IJTIMOIY REALIZM, IDEOLOGIK CHEKLOVLAR VA IJODIY ERKINLIK MASALALARI (SOVET DAVRI ADABIYOTI)

Sotsialistik realizm san’at va adabiyotga kommunistik qadriyatlarni targ‘ib qilish vazifasini yuklab, yozuvchilarning mavzu va uslub tanlash erkinligini chekladi. Biroq, ba’zi ijodkorlar allegoriya va ramziy obrazlar orqali badiiy erkinlikni saqlashga harakat qildilar. Sotsialistik realizmning adabiy jarayondagi o‘rni, yozuvchilarning mafkuraviy cheklovlarga qarshi usullari va sovet adabiyotining bugungi adabiy jarayonga ta’sirini tahlili jaryonida Sovet adabiyoti nafaqat mafkuraviy vosita, balki badiiy tajriba maydoni sifatida ham namoyon bo‘lganligini ko‘rish mumkin. Tadqiqot sovet adabiyotining cheklovlari va ijodiy strategiyalarini ochib berishga xizmat qiladi.