MAISHIY CHIQINDILAR BILAN IFLOSLANGAN TUPROQLARDA FERMENTLAR FAOLLIGINING OG‘IR METALLAR BILAN BOG‘LIQLIGI

Maishiy chiqindilar tarkibidagi og‘ir metallar bilan tuproqlarning ifloslanishi ularning biologik faolligiga salbiy ta’sir ko‘rsatadi. Mazkur tadqiqotda maishiy chiqindixonalar atrofi tuproqlarida molibden, qalay, mishyak, mis va vismut bilan ifloslanish darajasi hamda ushbu elementlarning tuproq fermentlari faolligiga ta’siri baholandi. Ferment faolligi bilan og‘ir metall kontsentratsiyalari o‘rtasidagi bog‘liqliklar ANOVA, regressiya va asosiy komponentlar tahlili (PCA) usullari yordamida tahlil qilindi. Olingan natijalar og‘ir metallarning tuproq fermentativ faolligiga sezilarli ta’sirini tasdiqlab, ushbu ko‘rsatkichlarning ekologik monitoring va bioindikatsiyada muhim ahamiyatga ega ekanini ko‘rsatadi