SIRDARYO VILOYATI HUDUDIDAGI MANZILGOHLARNING O‘RTA ASRLARDAGI MODDIY MADANIYATI XUSUSIDA YANGICHA QARASHLAR

Hozirgi Sirdaryo viloyati hududlari o‘rta asrlarda Shimoliy Ustrushona tarkibida bo‘lgan. Geografik nuqtai nazardan shimoliy Ustrushona, deb atalayotgan Ustrushonaning shimoliy qismi, Shahristonsoyning quyi oqimi, Xo‘jamushkentsoy havzalari va hududning tekislik cho‘l qismi (Mirzacho‘l) arxeologik jihatdan hozirga qadar eng kam o‘rganilgan madaniy voha sifatida qolmoqda. Vohalanki, qadimdan bir qancha madaniy o‘lkalar chorrahasida joylashgan o‘lka xalqlari moddiy va ma’naviy madaniyati o‘ziga xos serqirra va boy bo‘lib kelgan. Bu o‘lkada asosiy arxeologik tadqiqotlar XX asrning 40-50-yillaridan boshlanib, hozirga qadar davom etib kelmoqda. Ushbu maqolamizda Viloyat huduqidagi bir qancha manzilgohlarni arxeologik va yozma manbalar asosida tahlil qilish orqali yangi fikrlarni bildirib o’tmoqchimiz. Shu paytgacha viloyat hududidagi manzilgohlarda ilmiy izlanish olib borgan bir qator olimlarimiz bu hududlar o’rta asrlarda faqat Ustrushona tarkibida bo’lganliklari xususida fikr bildirishardi. Ammo so’ngi tadqiqotlar shuni ko’rsatyaptiki, viloyat hududidagi va unga yondosh bir qancha manzilgohlar Choch hokimligi tasarrufida bo’lgan bo’lishi mumkin