SANOAT KORXONALARI ZARARLI BIRIKMALAR MANBALARIDA INVENTARIZASIYA OLIB BORISH VA CHIQINDILAR REKUPERASIYASINI TASHKIL ETISH

Ishlab chiqarish korxonalarining atrof-muhitga ta’sirini baholash, tashkillashtirilgan va tashkillashtirilmagan manbalar inventarizatsiyasini o’tkazgan holda hosil bo’ladigan zararli birikmalarning ta’sirini kamaytirish choralarini ko’rish bugungi kunning dolzarb masalalaridan biri hisoblanadi. Qurilish industriyasi ishlab chiqarish korxonalarining ekologik holatini o’rganish maqsadida "SOFITEL" MCHJ qo‘shma korxonasi tanlandi. Korxonadan hosil bo’ladigan zararli birikmalar hisobiy tahlil hamda laboratoriya usullarida olib borildi. Korxonadagi chang-gaz tozalash uskunalari ish samaradorligi o’rganildi va yangi turdagi tozalsh uskunasining o’rnatilishi bo’yicha tavsiyalar berilgan. Chiqindilarni qayta tiklash chiqindilarning bir qismini xuddi shu texnologik jarayonda qayta ishlatish uchun qaytarishni nazarda tutadi. Mexanik, fizik-kimyoviy yoki biologik ishlov berish orqali chiqindilar xavfini kamaytirish yoki yo'q qilish uchun chiqindilarni zararsizlantirishni ham o'z ichiga oladi. Shuning bilan bir qatorda ishlab chiqarish korxonalarida ham tahlillar olib borish va samaradorligi past bo’lgan manbalarda yangi turdagi tozalash uskunalarini joriy qilgan holda chiqindilar rekuperatsiyasini tashkil etish bilan ta’sirini kamaytirish maqsadga muvofiq hisoblanadi.