O‘ZBEKISTON – CHEXIYA XALQARO ARXEOLOGIK EKSPEDITSIYASINING BRONZA DAVRI YODGORLIKLARINI O‘RGANISHI

So‘nggi yillarda O‘zbekiston–Chexiya xalqaro arxeologik ekspeditsiyasi Surxondaryo viloyatida, xususan Sherobod vohasida bronza davri yodgorliklarini o‘rganishda muhim ilmiy tadqiqotlarni amalga oshirmoqda. 2002–2022 yillar davomida olib borilgan bu tadqiqotlar mintaqadagi bronza davri madaniyatining asosiy bosqichlarini aniqlash, qadimiy aholi punktlari va ularning taraqqiyot darajasini ilmiy asosda yoritish imkonini berdi. Jumladan, Poshxurt-Zarabog‘ vohasi kabi yodgorliklarda olib borilgan arxeologik qazishmalar natijasida bronza davrining me’moriy tuzilmalari, xo‘jalik hayoti, ijtimoiy munosabatlari va madaniyati haqida muhim ma’lumotlar olindi. Tadqiqotlar bronza davriga oid yodgorliklarni aniqlash, xaritalashtirish, qatlamlarini o‘rganish va ularni davriy tasniflashda xalqaro ilmiy hamkorlikning yuksak samaradorligini ko‘rsatadi. Ushbu maqola aynan bronza davri yodgorliklarining ahamiyati, ularning joylashuvi va ularni o‘rganishdagi xalqaro ekspeditsiyaning hissasini yoritishga bag‘ishlangan.