“MAHOBXORAT” VA “ALPOMISH” DOSTONLARINING YARATILISHI VA AHAMIYATI

Mahabxorat” va “Alpomish” dostonlari Sharq xalqlari madaniy merosida beqiyos o‘rin tutuvchi ulkan epik asarlardir. Ularning badiiy, falsafiy va axloqiy mazmuni asrlar davomida insoniyat ma’naviy hayotini boyitib kelmoqda. “Mahabxorat” hind xalqining axloqiy-ta’limiy qarashlarini mujassam etgan muqaddas kitob sifatida qadrlanib, unda adolat, ezgulik va insoniy fazilatlarni tarannum etuvchi boy g‘oyalar jamlangan. Alpomish” o‘zbek xalqining qadimiy dostonlardan biridir. U qahramonlik, mardlik, vatanparvarlik, turli elatlar va xalqlarning birodarligi sevgi va sadoqat, oila mustahkamligini kuylovchi ulkan eposdir. Unda bir oila taqdiri misolida vaziyat taqazosi bilan bo‘linib ketgan qadimiy bir o‘zbek urug‘ining qayta birlashishini badiiy aks ettirish orqali millat birligi g‘oyalari, uning qahramonona shon-shuxrati va istiqboli, el-yurt farovonligi, oila baxti va Vatan ravnaqi uchun kurash baralla kuylangan.