SHARQ MUTAFAKKIRLARI ASARLARIDA KEKSALAR MUAMMOLARIGA OID YOLG‘IZLIK HISSINING TAHLILI

Ushbu maqolada qadimgi davr va sharq mutafakkirlari asarlarida keksalar hamda keksalar muammolariga oid yolg‘izlik hissining tahlili xususida so‘z yuritiladi. Ayniqsa keksalik davrida yolg‘izlik hissining kuchayishi ko‘p uchraydi va bu holat insonning hayoti sifatiga salbiy ta’sir ko‘rsatishi mumkin. Keksalar – faxrimiz, har bir avlod rishtasini bog‘lab kelayotgan, uni mustahkamlash uchun bor kuch-g‘ayratini sarflayotgan kishilardir. Ularning ijtimoiy hayotimizda tutgan o‘rni va salohiyati, yosh avlod tarbiyasida tutgan benazir roli juda katta. Yillar osha, umr so‘qmoqlaridan donishmandlik fasliga sog‘-omon etib kelgan nuroniy, munis otaxon va onaxonlarning jamiyatimiz faxri, oilalarimiz charog‘boniga aylanayotganining asl siri ham shundadir.