FARG‘ONA SHAHRI FLORASIDAGI RANUNCULACEAE JUSS. OILASI VAKILLARI.

Ushbu maqolada Farg‘ona shahri florasida uchraydigan Ranunculaceae Juss. oilasiga mansub o‘simliklar tahlil qilingan. Dalada
olib borilgan kuzatuvlar hamda PoWo va Plantarium elektron bazalari asosida 4 turkumga mansub 9 tur aniqlangan. Ular orasida
Clematis L., Delphinium Tourn. ex L., Ranunculus L. va Thalictrum Tourn. ex L. turlari qayd etilgan. Floraning asosiy qismini o‘t
o‘simliklar tashkil etadi: 5 ta bir yillik, 3 ta ko‘p yillik va 1 ta buta turi (Clematis orientalis L.,) Ekologik guruhlar tarkibida mezofit
va kserofit turlar ustunlik qiladi, bu esa Farg‘ona shahrining kontinental iqlimi va urbanizatsiya darajasi bilan bog‘liq. O‘tkazilgan
tadqiqot natijalari shuni ko‘rsatadiki, Ranunculaceae vakillari turli yashash joylariga, jumladan, inson faoliyati ta’siridagi
hududlarga ham yaxshi moslashgan. Olingan ma’lumotlar Farg‘ona florasi haqidagi ilmiy ma’lumotlarni boyitadi va shahar
ekotizimlarining ekologik holatini baholashda foydalanilishi mumkin.