XOTIN-QIZLARDA MAS’ULIYATNI SHAKLLANTIRISH USULLARI

Maqolada qizlarda mas’uliyatni shakllantirishning ahamiyati va bu jarayonga ta’sir etuvchi turli ijtimoiy, oilaviy va ta’limiy omillar o‘rganiladi. Mas’uliyat shaxsning jamiyatda o‘z o‘rnini aniq belgilashi, vazifalarini sidqidildan bajarishi va mustaqil qarorlar qabul qilish qobiliyati bilan chambarchas bog‘liq. Oila qizlarda mas’uliyatni shakllantirishdagi asosiy omil hisoblanadi, ya’ni otaonalarning tarbiya usullari, ularning farzandlari bilan munosabati va namuna sifatida tutgan pozitsiyasiga e’tibor qaratiladi. Shuningdek, ta’lim muassasalarida o‘quv jarayoni orqali mas’uliyatni rivojlantirishning turli metodlari, xususan, ustozlarning faoliyati, innovatsion o‘qitish usullari hamda jamoaviy ishlarning o‘rni tahlil qilinadi. Shu bilan birga qizlarning ijtimoiy faoliyati, volontyorlik harakatlarida qatnashishi va turli jamoatchilik tadbirlaridagi ishtiroki orqali mas’uliyatni shakllantirish imkoniyatlari o‘rganiladi. Maqolada muallif mas’uliyatni oshirish uchun qo‘llanilishi mumkin bo‘lgan samarali ijtimoiy usullar taklif etiladi.