MAKTABGACHA TA’LIM TASHKILOTLARIDA TA’LIM SIFATI MENEJMENTINING INTEGRATIV PEDAGOGIK MODELI

Maqolada maktabgacha ta’lim tashkilotlarida ta’lim sifati menejmentining amaldagi holatini aniqlash va uning integrativ pedagogik modelini takomillashtirish masalasi ko‘rib chiqiladi. Buxoro, Navoiy viloyatlari va Toshkent shahrida 300 nafar respondent – 60 nafar rahbar, 120 nafar pedagog va 120 nafar ota-ona ishtirokida o‘tkazilgan diagnostik o‘rganishning metodik yondashuvi tavsiflanadi. So‘rov natijalarini boshqaruv, pedagogik faoliyat, bola rivojlanishini kuzatish, ota-onalar bilan hamkorlik va raqamli muhit yo‘nalishlari bo‘yicha o‘zaro bog‘liq tahlil qilish asoslanadi. Maqolada indikatorlar monitoringning axborot asosi sifatida, “Bilimtoy Academy” esa pedagogik qarorni almashtirmaydigan raqamli-metodik vosita sifatida talqin etiladi. Integrativ modelning maqsadli-metodologik, pedagogik shart-sharoitlar, integrativ-faoliyatli, refleksiv-korreksion va natijaviy-baholash bloklari tavsiflanadi. Natijalar ta’lim sifatini boshqarishda alohida ma’lumotlarni yig‘ishdan ularni pedagogik maqsad asosida birgalikda talqin etishga o‘tish zarurligini ko‘rsatadi.