RAG‘BATLANTIRISH METODINI ONA TILI VA O‘QISH SAVODXONLIGI FANLARIGA DASTURIY PLATFORMALAR ASOSIDA INTEGRATSIYALASH

Ushbu maqolada rag‘batlantirish metodini boshlang‘ich sinf ona tili va o‘qish savodxonligi fanlariga zamonaviy dasturiy platformalar, xususan Nearpod platformasi asosida integratsiyalash imkoniyatlari o‘rganilgan. Tadqiqotda interaktiv vositalar orqali o‘quvchilarning ta’limga bo‘lgan qiziqishi, bilimni o‘zlashtirish darajasi va mustaqil fikrlash qobiliyatining ortishi tahlil etilgan. Tajriba-sinov ishlari natijalariga tayangan holda, rag‘batlantirish metodining raqamli vositalar bilan uyg‘unligi o‘quvchilarning bilim olish jarayonini yanada samarali tashkil qilishda muhim omil bo‘lib xizmat qilishi ko‘rsatib o‘tilgan. Maqolada platforma asosida tuzilgan differensial topshiriqlar va o‘quvchini monitoring qilish orqali individual yondashuvning afzalliklari yoritilgan. Natijalar shuni ko‘rsatdiki, mazkur yondashuv o‘quvchilarning o‘zlashtirish ko‘rsatkichini oshirishda ijobiy samara beradi